英國租樓小貼士

已更新:2021年2月17日

預先準備好英國住屋需要

香港人往往到埗後先恍然大悟,喺英國租樓同買樓原來一啲都唔容易!建議抵達前,先安排好1個至2個月嘅住宿,例如Airbnb、酒店,可方便之後睇樓及租樓。

或者搵代客睇樓租樓服務公司,未出發已經辦好租樓或買樓手續,準備好住屋需要。睇樓服務通常會安排Live睇樓同視察附近環境。


到步前先做好Research

了解心水嘅居住環境,Google一下當區新聞,上Streetcheck睇下犯罪率,Flood Risk睇下間屋係唔係屬於水浸高危地區。

相信好多香港人移英生活既原因都係為咗小朋友,所以校網最為重要。記得睇吓心儀學校嘅Catchment Area,而Catchment Area每年都會修改,大家記得預近一啲,確保你嘅住所會係Catchment Area內。

Locrating (https://www.locrating.com/) 幫到你,在各大樓盤廣告網頁搵樓同時,配合Locrating提供既學校資訊去選擇地區。

而Locrating功能亦非常強大,Locrating 分免費版同付費版,免費版可以睇到英國各公立學校嘅平均 Ofsted 評級同學術成績。Locrating 與 地產網站 Zoopla合作 ,可以直接喺地圖上顯示現時放盤。如果睇中一間學校,可以即時找尋附近有冇符合自己要求既樓盤。當然,付費版功能更加強大,可以睇到幾年內學校嘅成續走勢,有冇Oversubscribed等等功能。

我哋將會有一編小貼士專門講 Locrating 及校網,請密切留意。


好盤最緊要快手

喺名校區租樓,切忌諗太耐!好校網嘅租盤係走得好快,唔係淨係香港人會租,仲有本地人都會成日睇住好校網嘅租盤。所以遇到好盤,千祈唔好諗太耐。

筆者留意到名校區租盤最快會即日租出,最耐嘅都只係3日。


一定要睇樓先好租

有好多租盤嘅相都係不盡不實,有啲租盤因有舊租客仲住係度,業主唔可以拍攝現況,佢哋就會用幾年前影落嘅相片黎登廣告 。筆者親身經歷睇一個租盤,去到環境面目全非,同Rightmove上嘅相完全唔同。前園原貌好靚,實況係D雜草生到高過人頭,車都泊唔到,後園亦因冇人打理,已經變到成個森林一樣,入到屋就更加離譜,全屋地氈污糟不堪,廁所廚房地板都好似水浸過,全屋奇臭無比(一陣酸叔發霉味),結果筆者留左2分鐘就即走。所以,緊記一定要睇左樓先好租,只係睇相係會中伏架!


英國睇樓及收樓服務 幫到你

大家可以搵我哋,幫你睇樓!喺未到達英國之前,就租定心儀嘅盤,我哋會提供拍片睇樓服務 及 Live睇樓服務,最後仲有一份詳細嘅睇樓報告俾你參考。

如果合適,仲可以叫我哋幫你租樓及收樓,以及收樓時幫你拍攝全屋相片以作留底之用 ,亦可以協助收信報Councils及學校。我哋仲提供其他服務,如:機場接送、裝修工程、代購及安裝傢俬、深度清潔服務等等...


租樓要過Credit Check

租金嘅付款方式,筆者並唔係講緊究竟用銀行過數定係現金俾錢好;而係選擇每月交租,定係一次過俾哂啲租金。喺英國租樓,業主都會要求租客符合Credit Check,Credit Check係調查租客喺英國嘅家庭收入及以往租務記錄,但好多香港人一到埗都未有工作,所以大部分人都fail 呢個check。最後唯有一次過比6或12個月租金,業主先會肯租間屋比你。


英國法定房間人數

業主會睇你入住人數,而決定租唔租俾你,舉個例子:租盤只有2房,但你有3大3細入住,業主係唔會租俾你。因為英國有法例,限制房屋入住人數及每間房嘅居住人數。

如小朋友:

0-9歲及不同姓別是不需要分房。

10歲或以上及不同姓別是需要分房。

0-15歲及同姓別是不需要分房。

16歲或以上及同姓別就需要分房。


租樓保證金

英國租樓絕大部份業主都會要求租客,比約5星期租金嘅保證金,但切記保證金一定要存放係物業中介公司,唔好直接俾業主。係還樓時,好多業主會無理扣起保證金,所以存放係中介公司,會有一個較合理既協商及裁決。

為避免業主無理扣起保證金,入住時,記得將全屋拍照留底,有大問題: 如水喉漏水,暖氣等,都要立即要求業主跟進;牆身地版有花或穿窿都一定要影相留底及告知業主。

我哋就有呢個服務,幫你拍攝全屋每個角落高質素嘅相片,以作日後留底參考。


ref:
https://www.entitledto.co.uk/help/Calculating-Your-Bedroom-Entitlement 
https://england.shelter.org.uk/housing_advice/repairs/check_if_your_home_is_overcrowded_by_law 
https://www.locrating.com/
https://www.mudhut.com/patron/tenant-check 






3,981 次查看0 則留言